Ungblind

Ungblind er vettvangur unga fólksins í Blindrafélaginu til þess að koma saman, ræða sameiginleg mál, miðla reynslu og ekki síður til að skemmta sér saman.

Ungblind skipuleggur alls kyns viðburði s.s. skautaferðir, sjóstangaveiði og annað skemmtilegt, og unga fólkið býður þeim eldri oft að vera með.

Ungblind tekur einnig þátt í norrænu og evrópsku samstarfi og alls kyns ungmennaskiptum. Unga fólkið sækir t.d. norrænar sumarbúðir á hverju ári sem haldnar eru til skiptis á Norðurlöndunum. Norrænar sumarbúðir verða næst haldnar á Íslandi í júní 2009.