Námssjóður Blindrafélagsins

Úthlutanir tvisvar á ári

Námssjóði Blindrafélagsins er ætlað að styrkja félagsmenn sem stunda eða hyggja á nám við viðurkenndar menntastofnanir. Blindrafélagið viðurkennir nám í Hringsjá og námskeið sem efla atvinnumöguleika og hæfni félagsmanna. Sami einstaklingur fær aðeins einn styrk úr hverri úthlutun þó svo hann stundi nám í fleiri en einni viðurkenndri skólastofnun.

Auglýst er eftir umsóknum á miðlum félagsins,  á Völdum greinum, á heimasíðunni og á póstlistanum blindlist.

Úthlutað er tvisvar á ári, að hausti og að vori.

Hægt er að sækja um rafrænt hér en einnig liggja umsóknareyðublöð frammi á skrifstofunni.

Umsókninni skal fylgja staðfesting á skólavist ásamt upplýsingum um námskostnað.