Fara í leit

Hvað er vefvarp?

Vefvarp BlindrafélagsinsVefvarp  – talandi fjölmiðlun fyrir blinda og sjónskerta, er verkefni á vegum Blindrafélagsins. Verkefnið miðar að því að opna í gegnum nettengingu valfrjálsan aðgang að upplýsingum og efni fjölmiðla sem í dag eru að miklu leiti óaðgengilegir eldra blindu og sjónskertu fólki sem ekki er vel tölvulæst.  Vefvarps tækið, sem kemur frá hollenska fyrirtækinu  Solutions Radio, er einfaldur, talandi, gagnvirkur og auðstýranlegur nettengdur Daisy móttakari. (Digital Accessible Information System) Vefvarpið notast við nýja íslenska talgervilinn.

Hvað er hægt að hlusta á í gegnum vefvarpið.

Efni sem hægt er að hlusta á í gegnum vefvarpið er mjög fjölbreytt. Sumt er hægt að gera aðgegnilegt án mikillar fyrrihafnar á meðan að annað krefst nokkurs undirbúnings og samstarfs við eigendur efnisins. Efni sem hægt er að hlusta á í gegnum vefvarpið er::

  • Efni frá Blindrafélaginu,
  • Efni frá Þjónustu og þekkingarmiðstöðinni fyrr fyrir blind, sjónskerta og daufblinda einstaklinga. 
  • Hljóðbækur frá Hljóðbókasafns Íslands,
  • Lestur dagblaða, tímarit og vefmiðla.
  • Útvarpsstöðvar og hlaðvarpa, bæði innlendar og erlendar,
  • Rauntímalestur sjónvarpstexta.,

Hér fyrir neðan er myndræn uppsetning af efnisyfirliti vefvarpsins.

Yfirlitsmynd yfir efni vefvarpsins

Dreifing á vefvarpinu.

Vefvarpinu er dreift í gegnum Þjónustu og þekkingarmiðstöðina fyrir blinda, sjónskerta og daufblinda einstaklinga sem hjálpartæki án endurgjalds til þeirra sem komnir eru undir tiltekin sjónskerðingarmörk.

Þeir sem ekki uppfylla skilyrði um gjaldfrjálsa úthlutun eiga þess kost að leigja vefvarpstæki og fá aðgang að þjónustunni gegn vægu gjaldi. Frekari upplýsingar  fást hjá Blindrafélaginu

Leiðbeiningarbæklingur.

Hér má skoða nýjasta leiðbeiningarbækling fyrir vefvarpið í pdf skjali.

Hér má sjá ensku útgáfuna af leiðbeingarbæklingnum í pdf skjali.