4. stjórnarfundur Blindrafélagsins 2009 - 2010, haldinn 3. september 2009
- stjórnarfundur Blindrafélagsins starfsárið 2009 - 2010, haldinn fimmtudaginn 3. september 2009, kl. 16:30, í samkomusal félagsins að Hamrahlíð 17.
Mættir: Kristinn Halldór Einarsson (KHE) formaður, Ágústa Eir Gunnarsdóttir (AEG) varaformaður, Arnheiður Björnsdóttir (AB) meðstjórnandi, Kolbrún Sigurjónsdóttir (KS) varamaður, Lilja Sveinsdóttir (LS) varamaður, Ólafur Þór Jónsson (ÓÞJ) varamaður, Haukur Sigtryggsson (HS) varamaður og Ólafur Haraldsson (ÓH) framkvæmdastjóri.
Forföll boðaði: Halldór Sævar Guðbergsson (HSG) gjaldkeri.
- Fundarsetning
Formaður setti fundinn kl. 16:35 og bauð stjórnarmenn velkomna til fundarins.
2. Fundargerðir 2. og 3.. stjórnarfundar
Samþykktar án athugasemda.
3. Bréf
a) Gjafabréf frá Blindravinafélagi Íslands sem afhent var Blindrafélaginu í afmælishófinu, 19. ágúst. Texti bréfsins sem dagsett er afmælisdaginn er eftirfarandi:
„Í tilefni 70 ára afmælis ykkar hefur stjórn Blindravinafélags Íslands ákveðið að færa ykkur að gjöf kr. 15.000.000,- fimmtán milljónir -, sem lagðar verði í sjóð í nafni Blindravinafélags Íslands.
Tilgangur sjóðsins verði að hjálpa blindum og sjónskertum, einstaklingum og hópum, með því að veita styrki til tölvukaupa, ferðastyrki, styrki til lækninga og ýmissa náms- og kynnisferða, styrki vegna ráðstefnu, móttöku og tengdra verkefna í sambandi við málefni blindra og sjónskertra.
Umsóknir um styrki séu stílaðar á Styrktarsjóð Blindravinafélags Íslands.
Ákvarðanir um styrkveitingar úr sjóðnum verði teknar af stjórn Blindrafélagsins og við úthlutun verði þess getið að um styrk úr Styrktarsjóði Blindravinafélags Íslands sé að ræða.
Stjórn Blindravinafélags Íslands færir Blindrafélaginu árnaðaróskir með heilladrjúgt starf í 70 ár og óskar félaginu velfarnaðar um ókomna tíð.
F.h. stjórn Blindravinafélags Íslands,
Helga Eysteinsdóttir,
Formaður“
(sign.)
Allir stjórnarmenn sem tóku til máls, vildu koma á framfæru þakklæti til Blindravinafélags Íslands fyrir þessa stórkostlegu gjöf en formaður félagsins veitti henni viðtöku í afmælishófinu.
Samþykkt að setja þyrfti sjóðnum úthlutunarreglur áður en úthlutanir úr honum hefjast.
b) Styrkbeiðni frá Guðnýju Einarsdóttur frá ÞÞM þar sem sótt er um 40.000 kr. ferðastyrk til námsferðar úr Styrktarsjóði fagfólks. Samþykkt var að veita umbeðinn styrk.
c) Aðildarumsóknir. Eftirtalin sótti um aðild að Blindrafélaginu í ágúst 2009. Vottorð frá ÞÞM liggur fyrir:
Elísa Gísladóttir kt.100317-2819
Bólstaðarhlíð 41
105 Reykjavík LB
Samþykkt samhljóða og boðin velkomin í félagið.
d) Tölvupóstur frá Birki Gunnarssyni þar sem hann fjallar um tölvutækni og aðgengi blindra og sjónskertra að heimasíðum. Hann leggur til að Blindrafélagið hefji markvissa fræðslustarfssemi og aðgengisbaráttu hvað varðar forrit og vefsíður og ýti á úrbætur í aðgengismálum. Hann leggur til að Blindrafélagið ráði starfsmann í hlutastarf til að sinna þessum málum. Eftir nokkrar umræður var samþykkt að bjóða Birki sjálfum að taka þetta verkefni að sér í 25% starfshlutfalli til reynslu í 3 mánuði.
Formanni og framkvæmdastjóra var falið að tilkynna Birki þessa niðurstöðu og útfæra málið nánar í samráði við hann.
e) Aðalfundur Öryrkjabandalags Íslands haldinn 24. október 2009. Blindrafélagið skal tilnefna 3 fulltrúa til að sækja aðalfundinn. Einnig skal tilnefna 2 aðalmenn og 2 varamenn í aðalstjórn ÖBÍ fyrir komandi starfsár.
Samþykkt samhljóða að fulltrúar Blindrafélagsins á næsta aðalfundi ÖBÍ verði: Halldór Sævar Guðbergsson, Kristinn Halldór Einarsson og Arnheiður Björnsdóttir.
Fulltrúar í aðalstjórn ÖBÍ næsta starfsár verði: Halldór Sævar Guðbergsson og Kristinn Halldór Einarsson. Til vara: Arnheiður Björnsdóttir og Sigþór U Hallfreðsson.
4. Skýrslur
a) Skrifleg skýrsla formanns var send stjórnarmönnum fyrir fundinn.
Formaður skýrði frá því að tekin hafi verið frá 248 sæti á sýninguna „Söngvaseiður“ í Borgarleikhúsinu þann 20. sept. n.k. Tillaga er um að Blindrafélagið og sjóðurinn „Blind börn á Íslandi“ bjóði sameiginlega félagsmönnum einn miða á þessa sýningu meðan birgðir endast. Miðaverð er kr. 3.250,- Þessi atburður verður kynntur sem hluti af dagskrá afmælisárs félagsins. Miðarnir verða auglýstir á miðlum félagsins. Heildarkostnaður af verkefninu getur að hámarki numið um 800 þús kr. og skiptist milli sjóðsins og félagsins en allar líkur eru á að kostnaðurinn verði mun lægri. Tillagan samþykkt samhljóða.
b) Skrifleg skýrsla framkvæmdastjóra var send stjórnarmönnum fyrir fundinn. Engar athugasemdir voru gerðar við skýrsluna.
5. Starfsáætlun stjórnar til áramóta
Formaður lagði fram drög af starfsáætlun stjórnarinnar til jóla.
a) Samþykkt var að heppilegur fundartími fyrir stjórnarfundi væri á þriðjudögum kl. 9:10 – 10:45 f.h.
b) Vinnufundur stjórnar vegna stefnumótunarvinnu verður haldinn að Sólheimum helgina 3 – 4 október.
c) Varðandi viðurkenningar félagsins skal stefnt að því veita samfélagslampa félagsins á Degi hvíta stafsins (15. október) þ.e.a.s. ef og þegar hann er veittur.
6. Staða í samningarviðræðum milli Blindrafélagsins, ÖBÍ og SÍBS um sameiningu vinnustaða félaganna.
Formaður gerði grein fyrir stöðu viðræðnanna en nú blasir við að SÍBS muni ganga úr viðræðuhópnum vegna þröngrar stöðu þeirra samtaka. Eftir nokkrar umræður um stöðu málsins leggur hann til að Blindrafélagið og ÖBÍ haldi áfram viðræðum sín á milli um sameiningu BVS og vinnustaða ÖBÍ. Leggur til að KHE og ÓH taki þátt í viðræðunum fyrir hönd Blindrafélagsins. Eftir stuttar umræður var þessi tillaga samþykkt samhljóða.
- NKK ráðstefna á Íslandi 2010.
Röðin verður komin að Íslandi að halda norræna kvennaráðstefnu NKK árið 2010. Alls er gert ráð fyrir að um 35 manns sæki ráðstefnuna. Formaður leggur til að konurnar í stjórn félagsins skipi undirbúningshóp fyrir ráðstefnuna. Þeim til ráðgjafar verði Karen Friðriksdóttir í Svíþjóð, Helena Björnsdóttir í Noregi og Sigrún Bessadóttir í Finnlandi. Undirbúningshópinn munu skipa þær AB, LS og KS. Hópnum til aðstoðar verður Klara Hilmarsdóttir.
- Samnorrænt skráningarkerfi um aðgengi
Verið er að vinna að samnorrænu valkerfi um merkjaskráningu vegna aðgengismála fatlaðra. ÖBÍ og aðildarfélög þess þurfa að samþykkja kerfið til að það taki gildi hér á landi. Samþykkt að AB og LS verði fulltrúar Blindrafélagsins á fyrirhuguðum fundum um málið.
- Önnur mál
a) KS – spyr um bankamál, þ.e. auðkennislykla vegna heimabanka og möguleika þess að félagsmenn fái ókeypis SMS þjónustu þess vegna. Formaður skýrði frá viðræðum sem átt hafa sér stað við viðskiptabankanna. Þar kom fram að Íslandsbanki er mjög fús til samstarfs. En Blindrafélagið þarf þá að senda bankanum nöfn og kennitölur þeirra félagsmanna sem óska eftir þjónustunni. Vonast er eftir að aðrir bankar fylgi í kjölfarið.
b) Öryggi í Hamrahlíð 17 – KS vekur athygli á því hversu óvarið húsið sé fyrir óboðnum gestum. ÓH upplýsir að til standi að auka öryggi við rafmagnshurðir inn í húsið og hann muni reka á eftir því að það verði gert.
c) ÓÞJ leggur til að nefndir innan félagsins hafi meira samráð um uppákomur og fundartíma. Eftir stutta umræðu var hann hvattur til að hafa frumkvæði af þessu sjálfur og hóa þessa hópa saman og leita eftir betra fyrirkomulagi.
Fleira var ekki gert og fundi slitið kl. 18:25
Fundargerð ritaði Ólafur Haraldsson
