6. stjórnarfundur Blindrafélagsins 2009 - 2010, haldinn 6. október 2009
- stjórnarfundur Blindrafélagsins starfsárið 2009 - 2010, haldinn þriðjudaginn 6. október 2009, kl. 09:15, í samkomusal félagsins að Hamrahlíð 17.
Mættir: Kristinn Halldór Einarsson (KHE) formaður, Ágústa Eir Gunnarsdóttir (AEG) varaformaður, Halldór Sævar Guðbergsson (HSG) gjaldkeri, Arnheiður Björnsdóttir (AB) meðstjórnandi, Kolbrún Sigurjónsdóttir (KS) varamaður, Lilja Sveinsdóttir (LS) varamaður, Ólafur Þór Jónsson (ÓÞJ) varamaður, Haukur Sigtryggsson (HS) varamaður og Ólafur Haraldsson (ÓH) framkvæmdastjóri.
- Fundarsetning
Formaður setti fundinn kl. 09:25 og bauð stjórnarmenn velkomna til fundarins.
- Dagskrá
Fyrirliggjandi dagskrá fundarins samþykkt.
3. Fundargerð 5. stjórnarfundar
Samþykkt án athugasemda.
4. Bréf
a) Félagsaðild.
Eftirfarandi aðilar sóttu um félagsaðild í september 2009. Þeir voru samþykktir samhljóða og boðnir velkomnir í félagið:
1 Gunnar Hannesson kt.050325-3779
Eiðismýri 30
170 Seltjarnarnes LB
2 Ásta Guðvarðardóttir kt.291123-4229
Klapparhlíð 1
270 Mosfellsbær SS
3 Hekla Dögg Ásmundsdóttir kt.250893-3029
Norðurgarður 15
860 Hvolsvelli LB
4 Helga Berþórsdóttir kt.190725-2199
Laugarnesvegi 89
105 Reykjavík LB
5 Hildur Sólveig Pálsdóttir kt.011116-4779
Stýrimannastíg 6
101 Reykjavík LB
6 Ásgerður Leifsdóttir kt.011021-4329
Miðleiti 5
103 Reykjavík LB
Vottorð frá Þjónustu- og þekkingarmiðstöð liggja fyrir.
5. Skýrslur
a) Áðursend skrifleg skýrsla formanns yfirfarin og skýrð. Engar athugasemdir gerðar.
b) Skrifleg skýrsla framkvæmdastjóra var send út fundinn. Meðal atriða í skýrslunni var yfirlit um nýtingu gestaíbúða í húsinu árin 2008 og 2009. Á grundvelli yfirlitsins voru stjórnarmenn sammála um að ekki væri tilefni að fjölga gestaíbúðum í húsinu. Einnig var nokkuð rætt um að brögð væri að því að ekki væri mætt í pantaða gistingu. Samþykkt að veita skrifstofu heimild til að rukka þá fyrir gistingu á einni nótt sem ekki nýta pantaða gistingu og afpanta ekki með eðlilegum fyrirvara.
6. Stefnumótunarvinna Blindrafélagsins
Formaður hóf umræðuna og þakkaði stjórnarmönnum góða vinnu við stefnumótun félagsins sem fór fram að Sólheimum helgina 2 – 3. okt. s.l.
Samþykkt var að efna til kynningarfunda meðal félagsmanna um stefnumótunarvinnuna. Stefnt skal að fundum í Reykjavík 14. okt., á Selfossi 22. okt. og á Akureyri 29. okt.
Síðan skal stefnt að félagsfundi annaðhvort 5. eða 12. nóvember þar sem fyrirhugað er að kynna stefnumótunina formlega.
7. Tölvumiðstöð fatlaðra
Tölvumiðstöð fatlaðra hefur upplýst að henni vanti 3 m.kr. framlag í reksturinn til að endar nái saman og ekki þurfi að koma til uppsagna starfsfólks. Framkvæmdastjórn ÖBÍ hefur líst því yfir að bandalagið sé tilbúið að leggja í miðstöðina 1,5 m.kr. fyrir árið 2010 og leggur um leið fram tillögu þess efnis að hin aðildarfélögin sem hlut eiga í miðstöðinni leggi fram kr. 300.000 hvert.
Sérstaða tölvumiðstöðvar fatlaðra liggur m.a. í því að þar leggur óháður aðili mat á tölvubúnað.
Þegar hér var komið umræðunni tilkynnti AEG sem verið hefur fulltrúi Blindrafélagsins í stjórn Tölvumiðstöðvar fatlaðra að hún vilji ganga úr stjórninni og fór þess á leit við stjórn Blindrafélagsins að hún tilnefni annan fulltrúa í stjórnina í sinn stað.
Eftir nokkrar umræður um stefnu og tilgang Tölvumiðstöðvar fatlaðra var borin upp tillaga þess efnis að Blindrafélagið veiti Tölvumiðstöð fatlaðra rekstrarstyrk að upphæð kr. 300.000 en á sama tíma skuli gerð krafa um markvissa stefnumótunarvinnu innan Tölvumiðstöðvar fatlaðra.
Því næst var samþykkt að greiða Tölvumiðstöð fatlaðra styrk að upphæð kr. 300.000 að því tilskyldu að önnur aðildarfélög tölvumiðstöðvarinnar geri slíkt hið sama. Einnig var samþykkt að KHE verði fulltrúi Blindrafélagsins í stefnumótunarhóp Tölvumiðstöðvar fatlaðra.
Sigþór U Hallfreðsson (SUH) ritari kom til stjórnarfundarins undir umræðum um þennan lið.
8. Tilnefning í stjórn Blindrabókasafnsins
Samþykkt samhljóða að tilnefna þau Halldór Sævar Guðbergsson og Brynju Arthúrsdóttur aðalmenn Blindrafélagsins í stjórn Blindrabókasafnsins. Til vara voru tilnefnd þau Ólafur Þ. Jónsson og Ásrún Hauksdóttir.
9. Hjálpartækjastyrkir
Hjálpartækjastyrkir voru auglýstir til umsóknar 23. september s.l. og var umsóknarfrestur til 4. október. Samþykkt samhljóða að framlengja áðurnefndan umsóknarfrest til 15. nóvember.
10. Námssjóður blindra
Umsóknarfrestur um styrki úr Námsjóði blindra rann út 1. október s.l. Alls bárust 6 umsóknir en fullnægjandi gögn vantaði með einni þeirra.
Samþykkt var að veita 5 styrki að upphæð kr. 50.000 hver og 1 styrk að upphæð kr. 25.000 að því tilskyldu að fullnægjandi gögn bærust með þeirri umsókn.
- Önnur mál
Eftirtalin mál voru tekin á dagskrá fundarins:
a) Afstaða stjórnarinnar til NBK (Þróunarsamstarfs blindrasamtakanna á Norðurlöndum). – HSG vill að Blindrafélagið fylgist með samstarfinu og geti tekið þátt í því ef og þegar aðstæður batna. Fundarmenn sammála því að ekki væru aðstæður í dag fyrir Blindrafélagið að fara at stað með þróunaraðstoð í þriðja heiminum en gagnlegt væri að fylgjast með samstarfinu. Engin formleg samþykkt gerð um þetta efni.
b) ÓÞJ – Vekur athygli á námskeiðum sem auglýst eru á vegum ÞÞM. Vill að samvinna við Blindrafélagið um þessi námskeið sé góð. Blindrafélagið taki einnig þátt í kynningu á námskeiðunum. Upplýst var að almennt sé góð samvinna við félagið um þessi námskeið og félagið hefur hvatt til þeirra og niðurgreitt fyrir félagsmenn.
c) HSG – Vekur athygli á því að þörf sé að yfirfæra gamalt hljóðritað félagsefni af segulbandsspólum yfir á stafrænt form. Samþykkt að AEG og ÓH útfæri þessa hugmynd nánar og fái heimild til að ráða starfsmann í 50% starf í 3 mánuði til að vinna þetta verkefni.
Fleira var ekki gert og fundi slitið kl. 11:00
Fundargerð ritaði Ólafur Haraldsson
