10. stjórnarfundur Blindrafélagsins 2009 - 2010, haldinn 14. desember 2009.
- stjórnarfundur Blindrafélagsins starfsárið 2009 - 2010, haldinn mánudaginn, 14. desember 2009, kl. 16:30 í samkomusal félagsins að Hamrahlíð 17.
Mættir: Kristinn Halldór Einarsson (KHE) formaður, Ágústa Eir Gunnarsdóttir (AEG) varaformaður, Sigþór U Hallfreðsson (SUH) ritari, Arnheiður Björnsdóttir (AB) meðstjórnandi, Kolbrún Sigurjónsdóttir (KS) varamaður, Lilja Sveinsdóttir (LS) varamaður, Ólafur Þór Jónsson (ÓÞJ) varamaður, Haukur Sigtryggsson (HS) varamaður og Ólafur Haraldsson (ÓH) framkvæmdastjóri.
Í símanum frá Akureyri: Halldór Sævar Guðbergsson (HSG) gjaldkeri
- Fundarsetning
Formaður setti fundinn kl. 16:35 og bauð stjórnarmenn og gest fundarins, Birki Rúnar Gunnarsson, aðgengisfulltrúa Blindrafélagsins velkomin til fundarins.
- Aðgengisfulltrúi Blindrafélagsins, starf, verkefni og áherslur
Formaður kynnti BRG fyrir stjórnarmönnum og bað hann að skýra frá helstu verkefnum sínum síðan hann hóf störf hjá Blindrafélaginu.
BRG tók til máls og fór yfir helstu verkefni sín hjá félaginu. Hann sagði að starfið væri ekki mjög skilgreint sem væri kostur meðan mótunarferlið ætti sér stað. Eftirfarandi eru helstu verkefnin sem hann vinnur að um þessar mundir:
- Hefur verið í sambandi við 11 – 12 fyrirtæki með ýmsar athugasemdir sem snúa aðallega að aðgengi að heimasíðum viðkomandi fyrirtækja. Þessi mál eru á ýmsu stigi og hafa 2 þeirra þegar verið leyst (RUV og Iceland Express). Meðal fyrirtækja sem unnið er með eru Ríkisskattstjóri, Arion banki, Íbúðarlánasjóður og fl.
Einnig er verið að ræða við mbl. is varðandi aðgengi að smáauglýsingum.
- Verið er að kanna hvort talsetja eigi hraðbanka og hvort það yrði notað ef af yrði. Danske bank hefur gefið vilyrði um aðstoð ef af verður.
- Rafræn skilríki eru komin og því ættu menn að losna við auðkennislykla í náinni framtíð. Bankarnir vilja fara sér hægt í þessum málum og eru þá að hugsa um öryggismálin.
- BRG veltir fyrir sér hvort æskilegt væri að setja lög um aðgengismál á netinu. Leggur til að samvina verði höfð um þetta við ÖBÍ og aðgengisfyrirtækið Sjá ehf.
ÁEG spyr hvort BRG sé í nógu háu starfshlutfalli til að sinna þessum verkefnum. BRG telur að 25 – 50% starfshlutfall væri hæfilegt. Hærri talan væri miðuð við að lagafrumvarp kæmi fram um þessi mál. BRG telur skynsamlegt að halda áfram á svipuðum nótum og nú, næstu mánuði. Hann er sáttur við þær undirtektir sem starfið hefur fengið.
HSG spyr hvort æskilegt væri að vera með leiðbeiningar á síðunni blind.is um aðgengismál fyrir þá sem eru að hanna vefsíður. KHE segir að slíkar leiðbeiningar vera á heimasíðunni.
ÓÞJ spyr hvort mikil vinna sé að lagfæra heimasíður þannig að þær verði aðgengilegar fyrir blinda og sjónskerta. Svar: Oftast ekki. Aðalatriði er að efni sé birt á HTML formi en ekki í „Flash“.
KHE taldi að kostnaður væri oft að vefjast fyrir eigendum heimasíðanna. Erfitt væri að rukka fyrir ábendingar og leiðbeiningar sem félagið veitti.
BRG bætir við að hann hvorki vilji né geti lagt vinnu í að endurhanna síðurnar.
SUH taldi að hér sé um að ræða eilífðarverkefni. Menn verða að vera tilbúnir að leysa málin á faglegum nótum.
HSG spurði hvort starf aðgengisfulltrúa væri að skila árangri. BRG svarar að hann telji sig þurfa ca 3 mánuði í viðbót til að meta málið. Þá ætti að vera ljóst hvernig áðurnefndum 11 – 12 málum sem nú eru í gangi, reiðir fram.
Í lok þessarar umræðu var samþykkt samhljóða að KHE og ÓH fái heimild til að framlengja ráðningarsamning við BRG í allt að 12 mánuði.
Að lokum þakkaði formaður aðgengisfulltrúa fyrir greinargóð svör, gott starf og komuna á fundinn. Að því loknu yfirgaf BRG fundinn
- Dagskrá fundarins
Fyrirliggjandi dagskrá fundarins samþykkt. Eftirtaldar beiðnir komu fram um mál til umfjöllunar undir liðnum „Önnur mál“:
ÓÞJ – Stjórnarlaun
ÓÞJ – Gamlir munir í eigu félagsins
HSG – Vinnutími æskulýðsfulltrúa
4. Fundargerð 9. stjórnarfundar
Fundargerðin var samþykkt með lítilsháttar breytingum.
5. Bréf
a) Nýir félagar.
Eftirtaldir einstaklingar sóttu um aðild að félaginu í nóvember. Þeir voru boðnir velkomnir í félagið enda liggur frammi vottorð frá ÞÞM:
1 Lolita Orongan Potot kt.030668-2199
Unufelli 35
111 Reykjavík LB
2 Hulda Sigríður Ólafsdóttir kt.200827-3689
Básendi 1
108 Reykjavík LB
3 Ólafur Erlendsson kt.231016-2369
Litlagerði 3
108 Reykjavík SS
4 Unnur Ósk Jónsdóttir kt.290228-5229
Austurgerði 2
108 Reykjavík LB
5 Dagfríður Halldórsdóttir kt.290446-3339
Rauðalæk 5
105 Reykjavík LB
b) Bréf frá Íþróttafélaginu Firði, Hafnarfirði þar sem sótt er um styrk að upphæð kr. 100.000 vegna keppnisferðar Guðfinns V. Karlssonar í sundi sem fram fer í Malmö í Svíþjóð í febrúar 2010. Um er að ræða kostnað vegna aðstoðarmanns.
Samþykkt að veita umbeðinn styrk.
6. Skýrslur
a) Formaður lagði ekki fram skýrslu þar sem hann hefur legið veikur síðan síðasti stjórnarfundur var haldinn.
b) Framkvæmdastjóra – Skrifleg skýrsla var send út fyrir fundinn. Í skýrslunni var m.a. sagt frá útkomu hausthappdrættis félagsins, tillögu meirihluta fjárlaganefndar Alþingis um fjárveitingu til Blindrafélagsins á fjárlögum 2010 - samþykkt að lýsa yfir óánægju stjórnar með fyrirhugaða lækkun fjárveitingarinnar úr 10 m.kr. í 8 m.kr.
Gengið hefur verið frá kaupum á öryggismyndavélum í húsið og þær settar upp í janúar. Nýtt símkerfi verður sett upp fyrir jól.
7. Aðgengisfulltrúi Blindrafélagsins
Afgreiðsla á þessum lið var tæmd undir lið 3) hér að framan.
8. Umsögn um drög að reglugerð fyrir úthlutun hjálpartækja
Farið var nákvæmlega yfir athugasemdir sem lagðar voru fram af vinnuhóp stjórnar um málið. Nokkrar umræður voru um athugasemdirnar og samþykkt að leggja þær óbreyttar fram.
Stjórnarmenn þökkuðu þeim ÁEG og HSG fyrir góða vinnu varðandi yfirferð reglugerðardraganna og gerð umræddra athugasemda.
- Önnur mál
Eftirtalin mál voru tekin til umræðu:
a) Stjórnarlaun – ÓÞJ og HS lýstu því yfir að þeir féllu frá stjórnarlaunum á þessu ári.
b) Gamlir munir – ÓÞJ leggur til að gamall blindratækjabúnaður sem er í eigu félagsins verði hafður til sýnis. Nokkur umræða varð um málið og m.a. hvort heppilegt væri að gefa Þjóðmyndasafni eða byggðasafni Reykjavíkur gamla muni í eigu félagsins. Samþykkt að skoða málið og kanna hvort áhugi sé fyrir hendi á þessum stöðum. Nefnd varðandi punktaletur skoði málið og fylgi því eftir.
c) Vinnutími æskulýðsfulltrúa – HSG vekur athygli á því að vinnutími æskulýðsfulltrúa sé að mestu leiti fyrir hádegi en þá sé erfiðast að nálgast þá sem unnið er fyrir. Samþykkt að ÓH ræði við æskulýðsfulltrúa hvort ekki væri æskilegt að breyta vinnutíma hans og færa nær vikum tíma unga fólksins og foreldrana sem unnið er fyrir.
Fleira var ekki gert og fundi slitið kl. 18:30
Fundargerð ritaði Ólafur Haraldsson
