11. stjórnarfundur Blindrafélagsins starfsárið 2009 - 2010, haldinn 26. janúar 2010
11. stjórnarfundur Blindrafélagsins starfsárið 2009 - 2010, haldinn þriðjud. 26. janúar, kl. 16:30 í samkomusal félagsins að Hamrahlíð 17.
Mættir: Kristinn Halldór Einarsson (KHE) formaður, Ágústa Eir Gunnarsdóttir (AEG) varaformaður, Sigþór U Hallfreðsson (SUH) ritari, Arnheiður Björnsdóttir (AB) meðstjórnandi, Kolbrún Sigurjónsdóttir (KS) varamaður, Lilja Sveinsdóttir (LS) varamaður, Ólafur Þór Jónsson (ÓÞJ) varamaður, Haukur Sigtryggsson (HS) varamaður og Ólafur Haraldsson (ÓH) framkvæmdastjóri.
Forföll boðaði: Halldór Sævar Guðbergsson (HSG) gjaldkeri
- Fundarsetning
Formaður setti fundinn kl. 16:35 og bauð stjórnarmenn velkomna til þessa fyrsta stjórnarfundar ársins.
- Dagskrá fundarins og önnur mál
Fyrirliggjandi dagskrá fundarins samþykkt. Eftirtaldar beiðnir komu fram um mál til umfjöllunar undir liðnum „Önnur mál“:
ÓÞJ – Vinnumálastofnun
KS – Pallur fyrir utan samkomusalinn í Hamrahlíð 17
3. Fundargerð 10. stjórnarfundar
Samþykkt samhljóða.
4. Bréf
a) Nýir félagar.
Eftirtaldir einstaklingar sóttu um aðild að félaginu í nóvember. Þeir voru boðnir velkomnir í félagið enda liggur frammi vottorð frá ÞÞM:
1 Ása Guðbjörnsdóttir kt.310737-4109
Hlaðhamrar 2
270 Mosfellsbæ SS
2 Árni Sigurðsson kt.090527-3719
Melaheiði 7
200 Kópavogi SS
3 Garðar Ingimarsson kt.060530-3199
Hverfisgata 84
101 Reykjavík LB
4 Jón Kristleifsson kt.190165-3459
Leiðhamrar 4
112 Reykjavík LB
5 Gústaf V.Kristjánsson kt.200755-3249
Unufelli 36
111 Reykjavík LB
b) Kvennadeild – Sótt er um 350.000 kr. styrk til að sækja NKK fund sem haldinn verður í Finnlandi í febrúar n.k. Nauðsynlegt er að sækja fundinn vegna fyrirhugaðrar NKK ráðstefnu á Íslandi í ágúst 2010. Styrkbeiðnin samþykkt.
c) Styrkbeiðni (Appeal for donations) frá EBU vegna jarðskjálftanna á Haiti 14. Janúar 2010. Beiðnin er á vegum samtakanna Union Francophone des Aveugles og er til styrktar blindraskóla í Port-au-Prince þar sem 350 blindir nemendur búa nú við algjöra óvissu. Samþykkt að veita samtökunum styrk að upphæð USD 1000.
d) Umsögn um breytingar á lögum ÖBÍ – Samþykkt að veita fulltrúum Blindrafélagsins í stjórn ÖBÍ fullt umboð til að fjalla um málið.
5. Skýrslur
a) Formaður lagði fram skriflega skýrslu og fór yfir helstu atriði hennar á fundinum.
· Samþykkt að næsta tölublað Víðsjár komi út um 20. mars 2010 og blaðið verði í sambærilegu formi og síðast.
· Samþykkt að næsti kynningarbæklingur félagsins fjalli um þjónustu félagsins og komi út fyrir næsta aðalfund.
· Samþykkt fjárveiting að upphæð allt að EUR 2.000 vegna RP málstofu á norrænu augnlæknaþingi sem haldið verður á Íslandi 4. – 7. Ágúst n.k. RP deildir blindrasamtaka á Norðurlöndum munu einnig leggja fram fé til málstofunnar.
b) Framkvæmdastjóra – Skrifleg skýrsla var send út fyrir fundinn Farið var yfir helstu atriði hennar.
· Samþykkt tillaga framkvæmdastjóra um að umsamdar launahækkanir starfsmanna komi til framkvæmda 1. jan. 2010.
· Samþykkt að formaður og framkvæmdastjóri sæki næsta NSK fund sem haldinn verður í Finnlandi 10. – 11. febrúar n.k.
· Samþykkt að veita framkvæmdastjóra heimild til að semja um endurnýjun á sjóntryggingu til handa styrktarfélögum og góðvinum á grundvelli fyrirliggjandi tilboðs frá UIB Nordic.
6. Rekstraráætlun Blindrafélagsins 2010
Drög af rekstraráætlun félagsins fyrir árið 2010 var send stjórnarmönnum fyrir fundinn. Framkvæmdastjóri fór yfir drögin lið fyrir lið og svaraði jafnóðum spurningum stjórnarmanna. Gert er ráð fyrir að heildartekjur félagsins hækki um 4,5 % milli ára og heildargjöld um 3%. Áætlunin gerir ráð fyrir 6,4% hækkun launakostnaðar. Felst sú hækkun að mestu í nýjum stöðugildum sem þegar hafa komið til framkvæmda. Heildarvelta félagsins er áætluð 164,2 m.kr. en heildargjöld 166,6 m.kr. Fjármagnsliðir og afskriftir eru inni í þessum tölum.
Eftir nokkrar umræður voru drögin samþykkt samhljóða sem rekstraráætlun félagsins fyrir árið 2010.
7. Samsetning stjórnar Blindravinnustofunnar – fyrsta umræða
Formaður hóf umræðuna og minnti á að núverandi skipan stjórnar Blindravinnustofunnar ehf. hefði verið hugsuð til bráðabirgða en aðalstjórnarmenn Blindrafélagsins hafa skipað stjórn BVS síðan í september á síðasta ári þegar meirihluti þáverandi stjórnarmanna sögðu af sér. Formaður varpaði fram spurningunni um hvaða eiginleikum stjórnarmenn í Blindravinnustofunni ehf. þurfi að búa yfir. Einnig velti hann því fyrir sér hvort leita eigi út fyrir félagið þegar stjórnarmenn í BVS eru valdir.
ÓH taldi æskilegt að góð tengsl væru milli stjórna Blindrafélagsins og Blindravinnustofunnar.
SUH tók undir þetta sjónarmið og sagði að bæði félögin byggðu á sameiginlegri hugmyndafræði.
Upp kom sú hugmynd að leita eftir fagaðila, t.d. frá ÞÞM, til að taka sæti í stjórninni.
Engin ákvörðun var tekin og frekari umræðum frestað.
8. Verkaskipting og ábyrgðasvið í tengslum við Opið hús
Formaður tók til máls og skýrði frá óundirbúnum fundi sem hann og framkvæmdastjóri áttu með u.þ.b. 12 konum, gestum úr Opnu húsi, sem mættu á skrifstofu félagsins að lokinni dagskrá Opna hússins þann 19. jan. s.l.
Á fundinum með konunum komu í ljós miklar áhyggjur þeirra vegna ummæla eins stjórnanda Opins húss um afskiptasemi tveggja varastjórnarmanna af almennri dagskrá Opins húss en þessir tveir varastjórnarmenn voru kosnir í nefnd í júní s.l. sem hafði það hlutverk að undirbúa vetrarstarf Opins húss. Töldu konurnar að afskiptasemi þessara manna væri að flæma stjórnendurna í burtu.
Nokkur umræða var um þetta mál og var bókunin um nefndarskipunina frá 9. júní 2009 rifjuð upp.
Þá lagði formaður fram til umræðu og samþykktar eftirfarandi bókun um málið:
„Á stjórnarfundi Blindrafélagsins þann 9 júní 2009 var samþykkt að skipa nefnd til að „vinna að vetrarstarfi Opins húss næsta vetur.“
Mikil óánægja hefur komið fram frá fjölda þátttakenda í Opnu húsi, með starf og framgöngu nefndarmanna, sem að þeirra sögn, telja sig, í umboði fyrrgreindrar samþykktar, hafa boðvald yfir tilteknum atriðum í starfsemi og dagskrá Opins húss.
Af þessu tilefni áréttar stjórn Blindrafélagsins að umrædd nefnd hefur ekkert boðvald yfir dagskrá, þátttakendum, stjórnendum eða starfsmönnum sem koma að skipulagi Opins húss. Nefndin hefur lokið störfum og er því ekki lengur til sem starfandi nefnd.
Stjórn Blindrafélagsins áréttar jafnframt að það er Steinunn Hákonardóttir, starfsmaður Blindrafélagsins, sem er fulltrúi stjórnar félagsins og skrifstofu gagnvart stjórnendum og þátttakendum í Opna húsinu. Jafnframt lýsir stjórn Blindrafélagsins yfir fullu trausti til stjórnenda Opna búsins og áréttar þá stefnu að það eru þátttakendur í Opnu húsi sem mestu eiga ráða um dagskrá og það hverjir veljast til að stjórna Opnu húsi á hverjum tíma.“
Þeir tveir varastjórnarmenn sem tengjast málinu og voru í umræddri nefnd tóku báðir til máls og töldu sig ekki hafa verið of afskiptasama um starfssemi Opins húss í vetur. Þeir töldu aðfinnslurnar ómaklegar og þeir hefðu haft hagsmuni og velferð Opna hússins að leiðarljósi í sinni framgöngu.
Eftir nokkrar umræður var bókunin borin undir atkvæði og samþykkt mótatkvæðalaust.
- Önnur mál
Eftirtalin mál voru tekin til umræðu:
a) Útipallur fyrir framan samkomusalinn í Hamrahlíð 17 – KS spyr hvort hægt sé að setja hita í pallinn því sýnt er að gera þurfi við yfirborðsskemmdir í flotlögn – Framkvæmdastjóri falið að kanna málið.
b) Vinnumálastofnun – ÓÞJ spyr hvort hægt sé að fá fyrirgreiðslu frá stofnuninni á grundvelli aðgerða fyrir atvinnulausa, til að vinna að skönnun á myndasafni félagsins. Formaður telur þetta langsótt og minnir á að Blindravinnustofan sé að undirbúa slíka vinnslu.
c) RP symposium – Vegna samþykktar á fjárveitingu að upphæð EUR 2.000 (sjá lið 5 hér að ofan) skýrði formaður nánar frá 90 mín málstofu sem haldin verður á Norræna augnlæknaþinginu í Reykjavík í ágúst n.k. Tekist hefur að fá heimsfrægan vísindamann á þessu sviði til að flytja erindi á málstofunni sem mun vafalaust vekja verðskuldaða athygli.
Fleira var ekki gert og fundi slitið kl. 18:40
Fundargerð ritaði Ólafur Haraldsson
