14. stjórnarfundur Blindrafélagsins starfsárið 2009 - 2010, haldinn 16. mars 2010.
14. stjórnarfundur Blindrafélagsins starfsárið 2009 - 2010, haldinn þriðjud. 16. mars, kl. 16:30 í samkomusal félagsins að Hamrahlíð 17.
Mættir: Kristinn Halldór Einarsson (KHE) formaður, Ágústa Eir Gunnarsdóttir (AEG) varaformaður, Sigþór U Hallfreðsson (SUH) ritari, Arnheiður Björnsdóttir (AB) meðstjórnandi, Kolbrún Sigurjónsdóttir (KS) varamaður, Haukur Sigtryggsson (HS) varamaður og Ólafur Haraldsson (ÓH) framkvæmdastjóri.
Í símanum frá Akureyri: Halldór Sævar Guðbergsson (HSG) gjaldkeri,
Forföll boðaði: Lilja Sveinsdóttir (LS) varamaður.
- Fundarsetning
Formaður setti fundinn kl. 16:50 og bauð stjórnarmenn velkomna til fundarins.
- Dagskrá fundarins og önnur mál
Fyrirliggjandi dagskrá fundarins samþykkt. Eftirtaldar beiðnir komu fram um mál til umfjöllunar undir liðnum „Önnur mál“:
KS – Merkingar í anddyri
KS – Loftræsting úr eldhúsi
HSG – Heimasíða félagsins
3. Fundargerð 13. stjórnarfundar
Samþykkt samhljóða.
4. Bréf
a) Nýir félagar.
Eftirtaldir einstaklingar sóttu um aðild að félaginu í nóvember. Þeir voru boðnir velkomnir í félagið enda liggur frammi vottorð frá ÞÞM:
1. Guðríður Gísladóttir kt.251224-4989
Austurgerði 7
200 Kópavogi LB
2. Sverrir Jónsson kt.060324-2559
Kirkjusandi 1
105 Reykjavík SS
3. Sigríður Einarsdóttir kt.230916-3149
Selvogsgrunn 14
104 Reykjavík
Foreldraaðild:
4. Þóra Margrét Þorgeirsdóttir kt.240280-4779 vegna dóttur sinnar:
Þorgerðar Erlu Ögmundsdóttur kt.2100808-2990
Garðastræti 9
101 Reykjavík LB
b) Bréf frá æskulýðsfulltrúa Blindrafélagsins þar sem hann segist hafa fengið boð um að sitja aðalfund ungmennasamtaka norsku blindrasamtakanna. Hann hafi áhuga á að þiggja boðið, m.a. til að kynnast starfssemi samtakanna. Blindrafélagið þarf að standa straum af ferðakostnaði.
Eftir stutta umræðu var samþykkt að ekki væri tilefni að sækja umræddan aðalfund og beiðninni því hafnað.
5. Skýrslur
a) Formaður lagði fram skriflega skýrslu og fór yfir helstu atriði hennar á fundinum. Engar athugasemdir eða samþykktir voru gerðar.
b) Framkvæmdastjóra – Skrifleg skýrsla var send út fyrir fundinn. Farið var yfir helstu atriði hennar.
Vilji stjórnarmanna til að hitta Karl Eiríksson vegna sölu á Þríkrossinum erlendis var ítrekaður.
Stutt umræða var um fjáröflunarmál og hversu langt ætti að ganga í því að áreita stuðningsmenn. ÓÞJ og KS töldu að félagið gengi þegar of langt í þessum efnum en aðrir stjórnarmenn ásamt framkvæmdastjóra töldu að félagið ætti ekki aðra kosti en sækja áfram með faglegum og reglubundnum hætti til stuðningsmanna sinna, annars gæti félagið ekki fjármagnað núverandi starfssemi. Engar samþykktir gerðar.
6. Styrkir til fagfólks
Styrkir til fagfólks voru auglýstir til umsóknar á miðlum félagsins 3. febrúar s.l. Úthlutunarreglur voru þær sömu og á síðasta ári en þær voru samþykktar á stjórnarfundi 12. mars 2009.
Umsóknarfrestur um styrkina rann út 28. febrúar s.l. Alls bárust umsóknir um 6 styrki. Í þeim öllum er beðið um hámarksupphæð sem auglýst var, kr. 150.000, en tekið fram að sú upphæð gæti lækkað ef heildarupphæð umsóttra styrkja færi fram úr ráðstöfunarfé. Þar sem ráðstöfunarféð er kr. 759.825., verður ekki hægt að greiða umbeðnar hámarksupphæðir nema lagt verði fram viðbótarfjármagn til þessara styrkja.
Stjórnin mat allar framkomnar umsóknir gildar. Eftir stutta umræðu var samþykkt að Verkefnasjóður Blindrafélagsins leggi kr. 140.000 til viðbótar í þetta verkefni og þannig verði kr. 900.000 alls til ráðstöfunar í styrki til fagfólks.
Þvínæst var samþykkt að greiða öllum 6 umsækjendum styrk að upphæð kr. 150.000 hver. Greiðslur styrkjanna skulu vera háðar þeim skilyrðum sem kynnt voru í auglýsingunni.
7. Verkefnaskrá Blindrafélagsins
Verkefnaskráin var lögð fram á síðasta stjórnarfundi til kynningar en ekki rædd nánar. Samþykkt var að gert verði stöðutékk og farið verði yfir skrána. Það verkefni var falið þeim KHE, ÁEG og SUH.
8. Lagabreytingar á næsta aðalfundi
Formaður ræddi um nokkrar greinar í lögum félagsins sem hann taldi þurfa að breyta og nefndi að sumar þeirra væru ekki lengur í takt við áherslur félagsins í dag. Lagði hann fram til umræðu og umhugsunar hugmyndir sínar um lagabreytingar. Rætt var um að skipa laganefnd sem færi yfir lög félagsins og kæmi með tillögur til breytinga. Afgreiðslu málsins að öðru leiti frestað.
9. Siðareglur Almannaheilla
Tillögur að siðareglum Almannaheilla voru sendar stjórnarmönnum fyrir fundinn. Upplýst var að aðildarfélögum Almannaheilla væri skylt að fara eftir siðareglunum eftir að þær hafa verið samþykktar, ætli þau sér á annað borð að vera innan samtakanna. Stjórnarmenn töldu reglurnar eðlilegar og ekki voru gerðar neinar athugasemdir við þær. Stjórn félagsins samþykkir þær fyrir sitt leiti.
10. Félagsfundur 25. mars, kl. 17:00
Samþykkt var að halda félagsfund þann 25. mars eins og segir í fundaráætlun félagsins. Fundarefni verði:
- Á Blindrafélagið að hafa frumkvæði að gerð nýs talþjóns? – Kynning á verkefninu.
- Bakhjarlar Blindrafélagsins – Nýtt styrktarmannakerfi félagsins.
- Önnur mál.
Frummælandi verður Kristinn Halldór Einarsson.
Samþykkt að fela formanni að finna fundarstjóra og fundarritara.
- Önnur mál
Eftirtalin mál voru tekin til umræðu:
a) KS – Ný skilti í anddyri Hamrahlíðar 17. Málshefjandi spyr hvort setja eigi skilti á punktaletri í anddyri hússins. Samþykkt að ÁEG og ÓH fari yfir málið.
b) KS – minnti á að ennþá sé vond lykt frá salernum við samkomusalinn á 2. hæð. Einnig að ekki hafi verið lagður stokkur frá útblæstri úr eldhúsi upp fyrir þakbrún. ÓH svarar og segir að mikil vinna hafi verið lögð í aðgerðir til að fyrirbyggja lykt á salernum en ekki hafi tekist að koma í veg fyrir hana. Hætt var við að leggja stokk upp fyrir þakbrún á sínum tíma vegna kostnaðar. Þörfin fyrir slíka framkvæmd gæti hafa aukist eftir að mötuneytið tók til starfa að nýju.
c) ÓÞJ – minnir á gamlar hugmyndir að byggja yfir bílskúrinn sem tengir saman gömlu og nýju álmu hússins. ÓH segir að útlitsteikningar séu til af slíkri framkvæmd sem hafi verið könnuð á sínum tíma og fengið fremur jákvæða umsögn hjá byggingarfulltrúa Reykjavíkur.
d) HSG – Heimasíðan blind.is. Málshefjandi telur að heimasíðan mætti vera virkari og fréttir tíðari. Formaður upplýsir að viðburðadagatal sé mjög virkt og Valdar greinar séu jafnóðum vistaðar á síðunni. Hinsvegar megi fréttaflutningur vera virkari. Hvetur hann stjórnarmenn og aðra félagsmenn að skrifa pistla til birtingar á síðunni. Samþykkt að KHE, ÁEG og HSG skipi hóp sem komi með tillögur um ritstjórnarstefnu síðunnar.
Fleira var ekki gert og fundi slitið kl. 18:30
Fundargerð ritaði Ólafur Haraldsson
