16. stjórnarfundur Blindrafélagsins starfsárið 2009 - 2010, haldinn 20. apríl 2010.

Mættir: Kristinn Halldór Einarsson (KHE) formaður, Ágústa Eir Gunnarsdóttir (AEG) varaformaður, Sigþór U Hallfreðsson (SUH) ritari, Halldór Sævar Guðbergsson (HSG) gjaldkeri, Arnheiður Björnsdóttir (AB) meðstjórnandi, Kolbrún Sigurjónsdóttir (KS) varamaður, Haukur Sigtryggsson (HS) varamaður, Ólafur Þór Jónsson (ÓÞJ) varamaður, Lilja Sveinsdóttir (LS) varamaður og Ólafur Haraldsson (ÓH) framkvæmdastjóri.

1. Fundarsetning

Formaður setti fundinn kl. 16:30 og bauð stjórnarmenn velkomna til fundarins.

2. Dagskrá fundarins og önnur mál

Fyrirliggjandi dagskrá fundarins samþykkt.

3.    Fundargerð 15.  stjórnarfundar

Afgreiðslu frestað.

4.    Bréf

a)    Fundur hefur verið boðaður í barnahópi EBU í Osló dagana 20 og 21. maí n.k. Þar á að ræða samstarfið í hópnum og freista þess að gera starf hópsins virkara. Formaður Blindrafélagsins og formaður foreldradeildar eru boðuð á fundinn. Samþykkt að þau bæði fari á fundinn.

b)    Boð um þátttöku í Þróunarráðstefnu norrænu blindrasamtakanna hefur borist frá finnsku blindrasamtökunum en ráðstefnan verður haldinn í Finnlandi dagana 3 – 6. Júní n.k. KHE leggur til að Ísland taki þátt í ráðstefnunni til að fylgjast með því hvaða þróunarverkefni í þriðja heiminum séu í gangi hjá systurfélögunum á Norðurlöndum. Hann telur að við þurfum að fylgjast með þessu þó svo ekkert þróunarstarf sé unnið hjá Blindrafélaginu. Eftir nokkrar umræður var samþykkt að formaður ásamt einum öðrum fulltrúa félagsins fari á ráðstefnuna.

c)    Iva Marin, sem er 12 ára félagsmaður, hefur sent erindi til stjórnarinnar þar sem hún stingur upp á því að börn og unglingar innan félagsins ættu að gefa út eigið tímarit eða vera með eigin kafla á Völdum greinum. Hún leggur áherslu á að tímaritið komi oft út og verði með efni við hæfi barna og unglinga. SUH leggur til að Iva fái sjálf tækifæri til að gera eitt tímarit til reynslu og fái til þess hjálp frá Þorkeli Steindal og ÁEG. Þessi prufuútgáfa verði síðan birt á heimasíðu félagsins og ef vel tekst til, á Völdum greinum. Samþykkt samhljóða.

d)    Eftirtaldir sækja um félagsaðild í Blindrafélaginu í mars 2010:

Hólmfríður Þórðardóttir kt.081166-3079

Reynigrund 33

200 Kópavogi                       LB

Ragnhildur Magnúsdóttir kt.010824-4009

Þormóðstaðavegur Lambhóll

107 Reykjavík                       LB

Vottorð frá ÞÞM liggur fyrir.

Umsóknirnar samþykktar samhljóða.

5.    Skýrslur

a)    Formaður lagði fram skriflega skýrslu og fór yfir helstu atriði hennar á fundinum. Engar athugasemdir gerðar.

b)    Framkvæmdastjóra – Skrifleg skýrsla var send út fyrir fundinn. Farið var  yfir helstu atriði hennar.

·         Samþykkt var heimild til framkvæmdastjóra að framlengja ráðningu æskulýðsfulltrúa ótímabundið en reynsluráðning hans rennur út í lok maí n.k.

·         Samþykkt var að félagið haldi grillveislu eða sambærilegt fyrir þátttakendur í punktaletursráðstefnu ÞÞM sem haldin verður í lok maí n.k.  Reiknað er með 30 – 40 þátttakendum.

6.    Aðalfundur Blindrafélagsins

Farið var yfir viðfangsefni fundarins og afstaða var tekin til eftirtalinna atriða:

·         Starfsmenn fundarins – fundarstjóri og fundarritari.

·         Skoðunarmenn til næsta árs – stjórnin styður núverandi nefndarmenn áfram.

·         Kjörnefnd – stjórnin styður núverandi fólk áfram.

·         Tómstundarnefnd – Leita til núverandi nefndarmanna.

·         Skemmtinefnd – Leita til núverandi nefndarmanna.

·         Tillaga um félagsgjald – stjórnin leggur til að gjaldið verði hækkað í kr. 3.000 frá og með 1. jan 2011.

·         Laun stjórnarmanna – Óbreytt frá fyrra ári.

·         Lagabreytingatillögur sem lagðar hafa verið fram verði kynntar sem tillögur stjórnarinnar.

7.    Ársreikningar Blindrafélagsins og rekstrareininga lagðir fram til kynningar.

Formaður bað framkvæmdastjóra að fara yfir helstu stærðir í reikningunum.

Drög að ársreikningi Blindrafélagsins sýnir rekstrarhalla að upphæð kr. 9,6 m.kr. Hallinn er  tilkominn vegna niðurfærslu á stofnfé félagsins í BYR sparisjóði um 75%. Án niðurfærslunnar hefði hagnaður orðið á rekstrinum, ca. 1 m.kr.

Heildarvelta félagsins á árinu var 152,1 m.kr og heildargjöld án fjármagnsliða voru kr. 152,6 m.kr. Fjármagnsliðir voru neikvæðir um 9,1 m.kr. og er rekstrarhallinn alfarið tilkominn vegna áðurnefndrar niðurfærslu í BYR.

Ákveðið var að fresta frekari umræðum um reikningana og taka þá fyrir á næsta stjórnarfundi þar sem endurskoðandi félagsins mun skýra þá og svarar spurningum.

8.    Rammi að reglugerð um starfssemi deilda innan félagsins

Formaður lagði fram greinargerð og reglugerðarramma fyrir deildir sem starfa innan félagsins (sjá fylgiskjal 1). Í reglunum er leitast við að gera starf deildanna markvissara og skilvirkara ásamt því að staða þeirra gagnvart stjórn félagsins er skýrð.

Undirtektir stjórnarmanna voru jákvæðar og eftir stuttar umræður var reglugerðarramminn samþykktur samhljóða.

9.    Umsögn um verkefni sem snýst um upplýsingagjöf og leiðsögn gegnum síma á ferðamannastöðum

Formaður kynnti málið og sem felst í því að einkaaðilar vilja bjóða upp á leiðsögn á helstu ferðamannastöðum landsins gegnum síma. Þjónustan verður gjaldskyld fyrir almenning en lögblindum verður boðið upp á þjónustuna ókeypis. Formaður lagði fram drög að umsögn um verkefnið þar sem mælt er með því að umsækjendum verði veitt leyfi til að framkvæma verkefnið (sjá fylgiskjal 2).

Eftir stuttar umræður var samþykkt samhljóða að senda framlagða umsögn.

10. Önnur mál

Vakin var athygli á því að félagið hafi ekki fyrir sitt leiti skipað fulltrúa í stjórn Minningarsjóðs Margrétar Jónsdóttur.

Samþykkt var að leita til eftirtalinna um að taka að sér stjórnarsetu f.h. félagsins: SUH, Klara Hilmarsdóttir starfsmaður Blindrafélagsins og Rannveig Traustadóttir starfsmaður ÞÞM.

Fleira var ekki gert og fundi slitið kl. 18:30

Fundargerð ritaði: Ólafur Haraldsson