14. stjórnarfundur Blindrafélagsins, samtaka blindra og sjónskertra á Íslandi

Fimmtudaginn 7. maí  2009

Mættir: Kristinn Halldór Einarsson (KHE) formaður,  Ágústa Eir Gunnarsdóttir (AEG) varaformaður, Sigþór U Hallfreðsson (SUH) ritari, Halldór Sævar Guðbergsson (HSG) meðstjórnandi, Kolbrún Sigurjónsdóttir (KS) varamaður, Lilja Sveinsdóttir (LS) varamaður og Ólafur Haraldsson (ÓH) framkvæmdastjóri.

 

Í símanum frá Akureyri: Bergvin Oddsson (BO) gjaldkeri

 

1. Fundarsetning

KHE setti fundinn kl. 16:35 og bauð stjórnarmenn velkomna á fundinn. Gest fundarins, Kristinn Kristjánsson, endurskoðanda frá Pricewaterhouse Coopers bauð hann sérstaklega velkominn. Lagði hann til að 5. liður á dagskrá fundarins yrði tekinn fyrstur til umræðu en það eru ársreikningar félagsins fyrir árið 2008. Var það samþykkt.

 

2. Ársreikningar Blindrafélagsins og sjóða þess fyrir árið 2008 kynntir og bornir upp til samþykktar.

Formaður tók til máls og bað Kristinn Kristjánsson endurskoðanda að fara yfir ársreikningana og skýra þá fyrir stjórnarmönnum.

Kristinn Kristjánsson fór yfir reikningana lið fyrir lið. Tap af rekstri félagsins á síðasta ári var kr. 23.165.846 og heildarvelta þess kr. 199.764.059. Heildareignir í árslok voru kr. 849.642.710 og bókfært eigið fé kr. 749.357.687. Kristinn Kristjánsson gat þess að tapið á rekstrinum væri aðallega vegna taps á fjármagnsliðum en bókfært tap vegna verðbréfaeigna væri kr. 27.639.692.

Þetta tap væri afleiðing af hruni bankanna í október og lækkunar á gengi í verðbréfasjóðum þeirra.

Eftir ítarlegar umræður um einstaka liði, samþykkti stjórnin reikningana samhljóða og undirritaði þá síðan því til staðfestingar.

 

3. Fundargerð síðasta fundar

Fundargerð 13. stjórnarfundar var send til stjórnarmanna fyrir fundinn. Hún var  samþykkt samhljóða.

 

4.    Bréf

a)    Félagsumsóknir í apríl 2009 voru lagðar fram og samþykktar samhljóða. Eftirtaldir nýir félagar eru boðnir velkomnir í félagið:

Sigríður Ragnheiður Ólafsdóttir kt.230823-4059

Strandgata 17b

220 Hafnarfirði           LB

 

Ásgeir H.P.Hraundalkt.16082-7969

Hrafnistu við Kleppsveg

104 Reykjavík            LB

 

Anna Sigurjónsdóttirkt.210132-2959

Furugrund 46

200 Kópavogi            LB

 

Foreldraaðild

Sigrún Sigurðardóttir kt.190166-3689  vegna dóttur sinnar Árnýjar Láru Hauksdóttur kt. 100497-2479

Kópavogsbraut 61

200 Kópavogi            LB

 

Einar B. Guðmundsson kt.051026-7219                                                Fannafold 203

                                                112 Reykjavík           SS

 

Foreldraaðild

Bryndís Fjóla Ingimarsdóttir kt. 150774-3579  vegna

sonar síns  Bjarna Salvars Eyvindssonar kt.050298-2649

Burknavöllum 3

221 Hafnarfirði           LB

 

Vottorð frá ÞÞM liggja fyrir.

 

b)    Staðfestingarbréf stjórnenda þar sem endurskoðendur félagsins, Pricewaterhouse Coopers, óskar þess að framkvæmdastjóri félagsins staðfesti að ýmsar upplýsingar sem varða endurskoðun félagsins, séu réttar. ÓH staðfesti að hann hefði undirritað bréfið.

c)    Beðni um styrk frá Félagi langveikra ungmenna í Eyjafirði. Félagið er nýstofnað og hefur að markmiði að koma á fót og reka dagvistun fyrir langveik ungmenni. HSG tók fyrstur til máls og óskaði þess að fá  betri upplýsingar um málið áður en ákvörðun verði tekin um styrkveitingu. KHE telur að þarna sé um þjónustu að ræða sem hið opinbera á að veita. Eftir stuttar umræður var samþykkt að biðja um frekari upplýsingar. Afgreiðslu frestað þar til umbeðnar upplýsingar berast.

d)    Bréf kynnt frá sveitarfélaginu Árborg þar sem tilkynnt er að erindi Blindrafélagsins um akstursþjónustu hafi verið vísað til Fjölskyldumiðstöðvar Árborgar.

e)    Tilkynning um að aðalfundur Öldrunarráðs Íslands verði haldin fimmtudaginn 28. maí 2009. Samþykkt að ráðgjafi félagsins sæki fundinn fyrir þess hönd.

f)     Bréf frá ÖBÍ þar sem tilkynnt er að Blindrafélagið fái styrk fyrir árið 2009 frá bandalaginu að upphæð kr. 1.925.000.

 

5.    Skýrslur

a)    Skýrsla formanns

Skýrsla formanns var send stjórnarmönnum fyrir fundi. Rædd stuttlega hugleiðingar formanns um nafnbreytingu á Blindrasýn. Engin ákvörðun tekin.

b)    Skýrsla framkvæmdastjóra var send fundarmönnum fyrir fundinn. Engar athugasemdir voru gerðar.

 

6.    Aðalfundur Blindrafélagsins 23. maí n.k.

Farið var yfir dagskrá aðalfundarins og eftirtalin atriði rædd:

·         Ársskýrsla félagsins fyrir starfsárið 2008 – 2009 var send stjórnarmönnum fyrir fundinn. Samþykkt var að birta hana óbreytta.

·         Samþykkt var að fela formanni og framkvæmdastjóra að finna aðila sem taka vilja að sér fundarstjórn og fundarritun á aðalfundi.

·         Eftirtaldar nefndir á að kjósa á aðalfundi: Kjörnefnd, skemmtinefnd, tómstundanefnd og félagskjörna skoðunarmenn reikninga. Formaður og framkvæmdastjóri finni fólk sem vill bjóða sig fram í þessi störf.

·         Hvatningarverðlaunum verður úthlutað á aðalfundi. Samþykkt að sama nefnd og í fyrra fari yfir umsóknir og úthluti styrkjum.

·         Samþykkt að stjórnin fari saman út að borða ásamt mökum, miðvikudaginn 20. maí. Formanni og framkvæmdastjóra falin nánari skipulagning.

 

7.    Framkvæmdir innanhúss í Hamrahlíð 17

a)    Hólfun á skrifstofurými

Kynntar voru hugmyndir um að hólfa skrifstofuna niður í minni rými. Eru hugmyndirnar að miklu leiti niðurstaða úr starfsmannaviðtölum þar sem fram komu eindregnar óskir um minni starfsrými og meira vinnunæði. Kristmundur Eggertsson, smiður hefur lagt fram kostnaðaráætlun. Þar er gert fyrir 30 lengdarmetrum af léttum veggjum, 5 hurðum og gleri við hlið hurðanna. Heildarkostnaður er áætlaður um 2 m.kr. Þar af er efniskostnaður 1,4 m.kr. Ef hurðum væri sleppt myndi kostnaðurinn lækka um ca 500 þús.kr.

Eftir nokkrar umræður var samþykkt að leita ódýrari lausna í þessum efnum.

b)   Endurbætur á íbúð 308 (gestaíbúð) og 309

Lögð var fram kostnaðaráætlun sem Kristmundur Eggertsson hefur tekið saman um endurbætur á íbúðunum og þar eru tilgreindar 2 mismunandi leiðir:

a)    meiri endurbætur:

Nýir fataskápar, skipt um eldavél, skipt um höldur á eldhúsinnréttingu, ný blöndunartæki í eldhús, nýtt gólfefni í allri íbúðinni, íbúðin máluð, hurðir málaðar hvítar, baðherbergi endurnýjað (nýtt upphengt klósett, nýr vaskur og blöndunartæki, nýr sturtuklefi, nýr skápur og spegill og ný flísalögn). Kostnaður pr. íbúð ca. 1.500.000

b)    minni endurbætur

Eins og a) nema: Aðeins skipt um gólfefni á baði, Ekki skipt um klósett og flísalögn á baði. Kostnaður pr. íbúð kr. 6 – 700.000

Eftir nokkrar umræður var samþykkt að fara leið a) þ.e. meiri endurbætur.  Framkvæmdastjóra falin framkvæmd þessa verkefnis og nánari útfærsla.

 

8.    Önnur mál

a)    Formaður sagði frá því að Capacent Gallup sé tilbúið að gera sérstaka viðhorfskönnun meðal félagsmanna Blindrafélagsins til samanburðar við hina almennu viðhorfskönnun sem samþykkt hefur verið að framkvæma. Kostnaður við þessa viðbótar könnun er kr. 200.000. Um er að ræða netkönnun þar sem spurt verður 7 spurninga.

Samþykkt samhljóða að taka tilboðinu og þessi viðbótar könnun verði gerð.

b)    HSG tók til máls og lýsti áhyggjum sínum af starfssemi Þjónustu og þekkingarmiðstöðvar blindra, sjónskertra og daufblindra einstaklinga og framvindu mála þar. Samþykkt að taka málið fyrir sem sérstakan lið á stjórnarfundi sem fyrst eftir aðalfund og bjóða Huld Magnúsdóttur, forstjóra ÞÞM, að koma á fundinn.

 

Fleira var ekki gert og fundi slitið kl. 18:10

 

Fundargerð ritaði Ólafur Haraldsson