15. stjórnarfundur Blindrafélagsins, samtaka blindra og sjónskertra á Íslandi

Miðvikudaginn 20. maí 2009

Mættir: Kristinn Halldór Einarsson (KHE) formaður,  Ágústa Eir Gunnarsdóttir (AEG) varaformaður, Sigþór U Hallfreðsson (SUH) ritari, Bergvin Oddsson (BO) gjaldkeri, Halldór Sævar Guðbergsson (HSG) meðstjórnandi, Kolbrún Sigurjónsdóttir (KS) varamaður, Lilja Sveinsdóttir (LS) varamaður og Ólafur Haraldsson (ÓH) framkvæmdastjóri.

1. Fundarsetning

KHE setti fundinn kl. 19:30 og bauð stjórnarmenn velkomna á fundinn. Gat hann þess sérstaklega að fundurinn væri haldinn í sögulegu fundarherbergi því þar hefði núverandi ríkisstjórn verið mynduð fyrr í þessum mánuði. Vonandi myndi staðurinn blása mönnum andann í brjóst, ekki veitti af því fundurinn yrði stuttur þar sem stjórnarmenn myndu snæða saman ásamt mökum strax að fundi loknum á veitingahúsinu Dill sem væri við hliðina á fundarherberginu.

2. Fundargerð síðasta fundar

Fundargerð 14. stjórnarfundar var send til stjórnarmanna fyrir fundinn. Hún var  samþykkt samhljóða.

3.    Bréf

a)    Félagsumsóknir í maí 2009 voru lagðar fram og samþykktar samhljóða. Eftirtaldir nýir félagar eru boðnir velkomnir í félagið:

Geir Agnar Zoega kt.080619-4999

Dyngjuvegi 1

104 Reykjavík LB

Vottorð frá ÞÞM liggja fyrir.           

4.    Skýrslur

a)    Skýrsla framkvæmdastjóra var send fundarmönnum fyrir fundinn. Umræðu um skýrsluna var frestað.

5.    Aðalfundur Blindrafélagsins 23. maí n.k.

Farið var yfir dagskrá aðalfundarins og eftirtalin atriði rædd:

·         Fundarstjórn – Tillaga gerð um fundarstjóra og fundarritara og samþykkt að leggja hana fram á fundinum.

·         Lagðar voru fram tillögur um fulltrúa í skemmtinefnd, tómstundanefnd, kjörnefnd og skoðunarmenn reikninga. Samþykkt var að leggja þessar tillögur fram á fundinum.

·         Lagabreytingar. BO hefur lagt fram lagabreytingatillögur sem fjalla á um að aðalfundi. Fram kom að þessar tillögur eru fluttar af honum persónulega en eru ekki tillögur stjórnar. BO segist vera að hugleiða að draga tillögurnar tilbaka og vill þá að laganefnd verði sett á stofn sem fínpússi þær betur fyrir aðalfund að ári.

·         Félagsgjöld – Samþykkt að leggja til að þau verði óbreytt fyrir árið 2010, þ.e. 2.500 kr. (Ævigjald kr. 25.000).

·         Stjórnarlaun – Samþykkt að leggja til að þau verði óbreytt á næsta starfsári, þ.e. kr. 5.168 fyrir hvern setin fund.

6.    Hvatningarstyrkir.

Úthlutunarnefnd hefur lokið störfum og leggur til að allar umsóknir sem bárust (alls 3) verði teknar til greina og hver fái hámarksstyrk, kr. 300.000. Styrki skal greiða út þegar sannanlega hefur verið stofnað til kostnaðar vegna umræddra verkefna eins og segir í úthlutunarreglum.

Stjórnin samþykkti samhljóða að veita umrædda styrki á aðalfundinum og greiða þá úr Verkefnasjóði félagsins, alls kr. 900.000.

7.    Önnur mál

Formaður bar upp tillögu um að Blindrafélagið styrki ferð Heljarmannafélagsins á Hvannadalshnjúk um Hvítasunnuhelgina með því að greiða leiðsögukostnað Íslenskra fjallaleiðsögumanna fyrir félaga í Blindrafélaginu, starfsmenn Þjónustu- og þekkingarmiðstöðvarinnar og Blindravinnustofunnar. Líklega verða þetta samtals 7 einstaklingar. Kostnaður pr. einstakling er um 16.000 kr.

Tillagan samþykkt samhljóða.

Fleira var ekki gert og fundi slitið kl. 20:00

Fundargerð ritaði Ólafur Haraldsson