Hljóðtímarit
Félagsmál, fræðsla og skemmtun
Valdar greinar eru hljóðtímarit Blindrafélagsins.
Upphaflega hétu þær Valdar greinar úr dagblöðum og tímaritum. En með tímanum styttist nafnið í Valdar greinar. Nú koma þær út að jafnaði tvisvar í mánuði á mp3-diskum. Einnig eru þær birtar á heimasíðu félagsins. Þeim er dreift endurgjaldslaust til allra félagsmanna Blindrafélagsins.
Valdar greinar hófu göngu sína árið 1976 þannig að nú er verið að gefa út 37. árgang þeirra.
Á Völdum greinum er birt ýmislegt efni frá Blindrafélaginu og margs konar fróðleikur um málefni blindra og sjónskertra. þá er auk þess lesið valið efni, aðallega úr dagblöðum og tímaritum. Valdar greinar eru lifandi tengiliður Blindrafélagsins við félagsmenn sína. Þar heyrast oft tilkynningar um félagslíf og birt eru þar ýmis viðtöl sem hafa fróðleiks- og skemmtigildi.
