Breytingar hjá Blindrafélaginu frá og með 25. mars 2021.

Í ljósi nýrra hertra aðgerða innanlands vegna COVID-19 mun Blindrafélagið einnig breyta þjónustu sinni næstu vikur.

Í þeim tilgangi að taka virkan þátt í almannavörnum og fara að framsettum tilmælum þá hefur á vettvangi Blindrafélagsins verið grípið til eftirfarandi aðgerða:

  • Félagsstarfi á vegum félagsins hefur verið aflýst næstu vikur.
  • Opið hús verður aðeins hægt að hlusta á í Vefvarpi Blindrafélagsins.
  • Afgreiðslu, skrifstofu og verslun hefur verið lokað. Eftir sem áður verður hægt að vera í síma og tölvusambandi við félagið og starfsmenn þess.
  • Útleiga á herbergjum og íbúðum í skammtímaleigu í eigu félagsins í Hamrahlíð 17 hefur verið stöðvuð.
  • Útleiga á samkomusal félagsins í Hamrahlíð 17 hefur verið stöðvuð.
  • Mötuneytinu í Hamrahlíð 17 hefur verið lokað.
  • Flest allir starfsmenn skrifstofu félagsins vinna nú í fjarvinnu.
  • Póstsendingar frá félaginu og sendingar á vörum úr vefverslun félagsins verður áfram í gangi.

Allar miða þessar aðgerðir að því að verja eftir fremsta megni heilsu félaga og starfsfólks Blindrafélagsins og vinna gegn útbreiðslu veirunnar um leið og félagið tekur virkan þátt í almannavörnunum.

Félagsmenn eru minntir á Vefvarp Blindrafélagsins þar sem fluttar eru fréttir af félaginu auk þess sem Vefvarpið veitir aðgang að afþreyingarefni eins og hljóðbókum frá Hljóðbókasafni Íslands. Hægt er að fá leiðsögn um notkun vefvarpsins í gegnum síma.

Símaþjónusta verður opin áfram í síma 525 0000 milli klukkan 09:00 og 16:00 alla daga nema föstudaga, en þá lokar símaþjónustna klukkan 15:00. Einnig er hægt að hafa samband með tölvupósti á netfangið blind@blind.is og í gegnum Facebook síðu félagsins.

Við bendum félagsmönnum á að fylgjast vel með tilkynningum frá embætti ríkislögreglustjóra, sóttvarnalækni og embætti landlæknis í fjölmiðlum og fara eftir leiðbeiningum og fyrirmælum þeirra.

Um leið og starfsemi Blindrafélagsins kemst í eðlilegt horf verður það auglýst í öllum miðlum félagsins.