Ekkert um okkur án okkar

Ekkert um okkur án okkar er aðþjóðlegt kjörorð og krafa samtaka fatlaðara.

Blindrafélagið er hagsmunasamtök blindra og sjónskertra á Íslandi.

Í 3 gr laga Blindrafélagsins segir:

Tilgangur félagsins er að vinna að hagsmunamálum blindra og sjónskertra þannig að þeir njóti jafnréttis á við aðra og geti tekið þátt í samfélaginu eins og hugur hvers og eins stendur til.

Félagið hafi eftirfarandi að leiðarljósi;

að gæta þess að blindir og sjónskertir njóti þeirra lífsgæða sem almennt eru talin eðlileg.

að stuðla að því að blindir og sjónskertir geti aflað sér menntunar og hafi atvinnu

að stuðla að því að blint og sjónskert fólk hafi aðgang að upplýsingum á því formi sem hentar

að efla samskipti blindra og sjónskertra með félagslífi og öflugu trúnaðarmannakerfi

að þrýsta á að opinberir aðilar og aðrir veiti blindum og sjónskertum þá þjónustu og endurhæfingu sem þeir þurfa á að halda og hafa aðhald á þá þjónustu sem veitt er

að hafa samstarf við erlend systursamtök og hagsmunasamtök fatlaðra hér á landi

að stuðla að rannsóknum í þágu blindra og sjónskertra

að stuðla að útgáfu og kynningu þannig að málefni blindra og sjónskertra séu öllum aðgengileg.