Aðgengismál

Áherslur Blindrafélagsins í aðgengismálum skiptast í tvo flokka.

  • Aðgengi að rafrænum upplýsingum og þjónustu:
    • Stuðla að aukinni vitund um mikilvægi stafræns aðgengis fyrir alla.
    • Benda á mikilvægi þess að aðgengi sé haft í huga í öllum ákvörðunum sem teknar eru varðandi rafrænar upplýsingar og þjónustur.
    • Kynna þann hjálparbúnað sem blindir og sjónskertir notast við og hvernig þarf að haga málum til að hann virki sem best.
    • Hvetja til aukinnar notkunar á WCAG aðgengisstaðlinum.
    • Kynna ýmsar góðar lausnir sem til staðar eru sem stuðla að bættu aðgengi.
  • Ferilfræðilegt aðgengi (Aðgengi í umhverfinu):
    • Áhersla lögð á algilda hönnun í manngerðu umhverfi.
    • Benda á slysagildrur og hindranir.
    • Kynna lausnir sem auka öryggi og sjálfstæði þeirra sem á þeim þurfa að halda.
    • Stöðug leit að nýjum og betri lausnum sem ekki eru til staðar hérlendis í dag.

Hjá Blindrafélaginu starfar aðgengisfulltrúi sem hefur umsjón með málaflokknum að hálfu félagsins. Einnig starfar tæknilegur ráðgjafi frá félaginu. Saman mynda þeir aðgengisteymi Blindrafélagsins.

Blindrafélagið heldur uppi góðu samstarfi við ýmis fyrirtæki sem bjóða spennandi lausnir í aðgengismálum:

  • Umboðsaðili fyrir leiðarlínur og aðrar aðgengislausnir frá fyrirtækjunum Handi-Friendly og Olejár. Úrval sýnishorna er á skrifstofu félagsins.
  • Umboðsaðili ReadSpeaker á Íslandi. Talgervislausnir á borð við vefþuluna (hlusta hnappinn) o.fl.
  • Samstarfsaðili Siteimprove á Íslandi.
  • Umboðsaðili NaviLens á Íslandi.
  • Samstarfsaðili Be My eyes á Íslandi.

Hægt er að sækja plaköt með skýrum upplýsingum um hvað skal, og skal ekki gera þegar kemur að rafrænu aðgengi á GitHub.

Aðgengisfulltrúi:
Hlynur Þór Agnarsson

Tæknilegur ráðgjafi:
Baldur Snær Sigurðsson

Fyrir nánari upplýsingar, ráðgjöf eða aðrar fyrirspurnir tengdar aðgengi má gjarnan senda tölvupóst á adgengi(hjá)blind.is eða hafa samband við skrifstofu Blindrafélagsins í síma 525 0000.