Opinn tími með tölvu- og tækniráðgjöfum

Fimmtudaginn 30. október kl. 15:00 verður opinn tími með tækniráðgjöfum Blindrafélagsins og Sjónstöðvarinnar. Við munum hittast í salnum í Hamrahlíð 17 á annarri hæð. Tímarnir eru opnir öllum og allir hjartanlega velkomnir.

Við hvetjum þá notendur sem hafa Blindshell síma að mæta og einnig þau sem eru áhugasöm um að vita meira um símana að kíkja á þennan hitting. Við ætlum að fræðast aðeins um símana og heyra frá notendum hvernig þeim gengur að tileinka sér Blindshell.

Boðið verður upp á kaffi og spjall og aðstoð frá tækniráðgjöfum. Það er velkomið að taka með sér tölvur, síma og tæki sem ykkur vantar aðstoð með, en einnig er öllum hjartanlega velkomið að mæta og hitta aðra. Þetta er gott tækifæri til að mæta og sækja sér jafningjastuðning og heyra frá öðrum hvernig þeim gengur að nota sín tæki og tól.

Hlökkum til að sjá ykkur.
Baldur Snær Sigurðsson, tækniráðgjafi Blindrafélagsins.
Helena María Agnarsdóttir, tölvu- og tækniráðgjafi Sjónstöðvarinnar.