Fyrirlestur með Sam Seavy, mánudaginn 22. september.

Blindrafélagið fær til sín Sam Seavy í heimsókn mánudaginn 22. september og bíður á kynningarfund og fyrirlestur af því tilefni í sal félagsins í Hamrahlíð 17 á annarri hæð. Húsið opnar kl. 16:00 og boðið verður upp á léttar kaffiveitingar. Dagskráin hefst klukkan 16:30.

Lærðu að lifa þínu besta blinda lífi!

"Af hverju ætti ég að leyfa smáatriðum eins og skertri sjón að stoppa mig?"


Aðalræðumaður: Sam Seavey

Við erum stolt af því að kynna Sam Seavey, frumkvöðul á sviði hjálpartækni fyrir sjónskerta og eiganda YouTube-rásarinnar The Blind Life. Rásin hefur hlotið viðurkenningu frá Foundation Fighting Blindness sem ein besta upplýsingaveita á netinu fyrir sjónskerta og hefur yfir 60.000 áskrifendur og meira en 900 fræðslumyndbönd.

Sam greindist með arfgenga augnsjúkdóminn Stargardt, sem veldur hrörnun á miðju sjónsviðinu, aðeins 11 ára gamall. Í yfir þrjá áratugi hefur hann tileinkað sér djúpa þekkingu á hjálpartækni og deilir nú reynslu sinni og innsýn með þúsundum áhorfenda um allan heim.

Hann hefur komið fram í virtum miðlum eins og USA TODAY og WIRED Magazine, tekið þátt í fjölda hlaðvarpa og unnið með tæknirisa á borð við Google, SONY og Apple. Sam situr einnig í ráðgjafarnefnd Microsoft Windows Accessibility og hefur haldið erindi bæði innanlands og á alþjóðavettvangi.

Í dag stýrir hann hjálpartæknideild hjá góðgerðarsamtökum þar sem hann kennir fólki að nýta tæknina sem hann kynnir á rásinni sinni. Hvort sem hann er að vinna beint með skjólstæðingum eða miðla þekkingu sinni á netinu, þá er markmið hans skýrt: að styrkja fólk til að lifa sínu besta blinda lífi.

Til að skoða YouTube-rásina hans Sam er hægt að smella hér.
Vefsíðu Sam er hægt að skoða hér.

Fyrirlesturinn hjá Sam verður á ensku.

Til að áætla veitingar væri mjög gott að fólk skrái sig með því að senda tölvupóst á afgreiðsla@blind.is eða hringi í skrifstofuna í síma 525 0000.
 
Við hvetjum félaga í Blindrafélaginu og aðra áhugasama að nýta þetta einstaka tækifæri til að mæta og hitta Sam.