Opinn tími með tölvu og tækni ráðgjöfum

Miðvikudaginn 9. september næstkomandi kl. 13:00 verður opinn tími með tækniráðgjöfum Blindrafélagsins og Sjónstöðvarinnar. Við munum hittast í salnum í Hamrahlíð 17 á annarri hæð. Tímarnir eru opnir öllum og allir hjartanlega velkomnir.

Í þessum hitting ætlum við að segja ykkur aðeins frá heimsókn okkar á SightCity hjálpartækjaráðstefnuna, sem haldin er í Frankfurt á hverju ári í maí mánuði. Eftir smá spjall verður opnað fyrir almenna aðstoð og spurningar.

Boðið verður upp á kaffi og spjall og aðstoð frá tækniráðgjöfum. Það er velkomið að taka með sér tölvur, síma og tæki sem ykkur vantar aðstoð með, en einnig er öllum hjartanlega velkomið að mæta og hitta aðra. Þetta er gott tækifæri til að mæta og sækja sér jafningjastuðning og heyra frá öðrum hvernig þeim gengur að nota sín tæki og tól.

Hlökkum til að sjá ykkur.

Baldur Snær Sigurðsson, tækniráðgjafi Blindrafélagsins.

Helena María Agnarsdóttir, tölvu- og tækniráðgjafi Sjónstöðvarinnar.