Nýr framkvæmdastjóri ráðinn til Blindrafélagsins

Hjörtur Heiðar Jónsson hefur verið ráðinn nýr framkvæmdastjóri Blindrafélagsins. Hann tekur við starfinu að loknum uppsagnarfresti og er gert ráð fyrir að hann hefji formlega störf í byrjun árs 2027. Hjörtur er félaginu vel kunnugur en hann hefur setið í stjórn Blindravinnustofunnar um árabil og verið stjórnarformaður síðustu fjögur ár.

Hjörtur kemur til Blindrafélagsins frá ALM Verðbréfum, þar sem hann hefur starfað við eignastýringu og áhættugreiningu. Hann á að baki fjölbreyttan starfsferil, meðal annars hjá Háskólanum á Akureyri, Íslenskri erfðagreiningu og Landsbankanum, bæði hér á landi og í London. Hann er með BSc-gráðu í kennilegri eðlisfræði frá Háskóla Íslands og meistaragráðu í öreindafræði frá Háskólanum í Karlsruhe.

Við bjóðum Hjört Heiðar Jónsson hjartanlega velkominn til starfa og hlökkum til samstarfsins.