Blindrafélagið, samtök blindra og sjónskertra á Íslandi leitar að fjáröflunar og markaðsfulltrúa í fullt starf.

16. ágúst, 2023

Blindrafélagið, samtök blindra og sjónskertra á Íslandi leitar að fjáröflunar og markaðsfulltrúa í fullt starf.

Hægt er að senda inn umsókn í gegnum Alfreð.

Starfið: Meginhlutverk fjáröflunar- og markaðsfulltrúa Blindrafélagsins er að hafa umsjón með fjáröflunum, útgáfumálum og samfélagsmiðlum félagsins.

Helstu verkefni og ábyrgð:
  • Umsjón með Bakhjarlakerfi Blindrafélagsins.
  • Víðsjá, tímarit Blindrafélagsins: Hafa umsjón með útgáfunni eins og söfnun auglýsinga og styrktarlína, tilboð í prentun, umbrot, pökkun, dreifingu og annað sem kemur að útgáfunni.
  • Happdrætti vor og haust: Öflun vinninga. Umsjón með útliti miða, prentun miða og greiðsluseðla, dreifingu, fréttatilkynningar o.fl.
  • Fyrirtækjasöfnun og umsjón samvinnuverkefna.
  • Sala á jólakortum.
  • Leiðsöguhundadagatal Blindrafélagsins: Umsjón með hönnun og gerð dagatalsins. Sjá um tilboð í prentun, pökkun og dreifingu o.fl.
  • Umsjón með annarri útgáfu: Umsjón með fréttabréfi, útgáfu á ársskýrslu, ársreikningum og öðru efni frá félaginu.
  • Samfélagsmiðlar og vefsíða félagsins: Viðhald og umsjón með Facebook, Instagram, heimasíðu félagsins og öðrum miðlum félagsins á netinu.
  • Skapa ný og spennandi tækifæri fyrir fjáraflanir og markaðsetningu félagsins.
Menntunar- og hæfniskröfur:
  • Menntun og reynsla sem nýtist í starfi.
  • Reynsla af sölu- og markaðsmálum er kostur.
  • Góð tölvukunnátta.
  • Reynsla af notkun Teams og Office hugbúnaði er kostur.
  • Góð þekking á umsjón samfélagsmiðla.

Hjá Blindrafélaginu starfa um 17 manns í 13 stöðugildum, þar af 10 á skrifstofu í um 8 stöðugildum. Skrifstofa félagsins er í Húsi Blindrafélagsins Hamrahlíð 17. Mötuneyti er í húsinu.

Til baka í fréttalista
Prenta frétt Senda á Facebook